રૂઢીપ્રયોગ અને તેના અર્થ - 9

વાત ખાઈ જવી	:-	જવાબ ન આપવો, મુદ્દો દબાવી દેવો.
વરસ કૂતરાંને નાખવાં	:-	જીવન એળે જવું, આયુષ્ય વેડફાવું.
વહેતી નીકે પગ દેવો	:-	ખલેલ કરવી, ચાલતા કામમાં વિઘ્ન નાખવું
અજાડીમાં પડવું	:-	મુશ્કેલીમાં આવી પડવું
અજીરણ થવું	:-	વાત કહી દેવી
અટકળ કરવી	:-	અનુમાન કરવું
અટકાયતમાં લેવું	:-	કેદમાં પકડી રાખવું
અટકુંલટકું મારવું	:-	ડોકિયું કરતા જવું
અટામણમાં જવું	:-	નકામું થઈ જવું
અટીનો કરાર	:-	પાકા બંધનવાળો કરાર
અહિંગણ મૂકવું	:-	ટેકો ગોઠવવો
અડદમગ ભરડવા	:-	વગર વિચાર્યે જેમ તેમ દીધે રાખવું
અડદાવો નીકળવો	:-	ખૂબ થાકી જવું
અડદાવો કાઢવો	:-	કામ વડે ઢીલું કરી દેવું
અડધું અડધું થઈ જવું	:-	અતિ હરખમાં આવવું
અડધો પાયો ઓછો હોવો	:-	જરાક ગાંડુ હોવું
અડવડિયું આવવું	:-	લથડાઈ પડવું
અડવું લાગવું	:-	રુચિ બહાર લાગવું
અડતાળો જોખવો	:-	મારવું
અડિંગા લગાવવા	:-	ધામો કરીને બેસવું
અડી મારવી	:-	ચોરવું
અઢાર ઘંટીનો આટો ખાધેલું	:-	પાકું અનુભવી
અણકૂટ ભરવો	:-	અન્નકૂટનો ઉત્સવ ઉજવવો
અણી સાચવવી ખરી	:-	કટોકટીના વખતે મદદગાર થવું
અકતો પાળવો	:-	ધંધા રોજગારમાં રજા રાખવી
અકળામણ કાઢવી	:-	રોષ કે ક્રોધ કાઢવો
અક્કલ મારી જવી	:-	સમજ જતી રહેવી
અક્કલે કહ્યું કરવું	:-	સૂઝ પડવી
અક્કલ ધરાણે મૂકવી	:-	બુદ્ધિ કે સમજ ન રહેવી
અક્કા કરવી	:-	દોસ્તી કે અબોલા લેવા
અક્ષર ઉતારવા	:-	મહેણું ટાળવું
અકારત જવું	:-	નકામું થવું
અકારું પાડવું	:-	જૂઠું કે ભોઠું પાડવું
અખેતરિયા ઉતરાવવા	:-	દાણા ભુવા પાસે જોવરાવી શું વળગ્યુ છે તે નક્કી કરવું
અગતે જવું	:-	અવગતિ થવી
અગ્નિ ભક્ષણ કરવી	:-	સતી થવું
અગ્નિને ઊંધઈ ન લાગવી	:-	જે ખરું કે શુદ્ધ છે તેને ડાધ ન લાગવો
અગ્નિસાત કરવું	:-	અગ્નિ ભેગું થાય તેમ કરવું
અગિયારા ગણવા	:-	નાસી જવું
અધી પડવુ	:-	આપોઆપ ઝાડો થઈ જવો
અધીને ઉસેડવું	:-	ન કરવાનું કરી બેસી તે સુધારવા મથવુ
અચૂકબાણ આવવું	:-	જરૂર આવવું
અછો અછો કરવું	:-	લાડ લડાવવા
અજમો આપવો	:-	લાંચ આપવી
અજમો ફકાવવો	:-	અજમો ખવડાવવો, રીસ દૂર કરવા ઉપાય કરવો
અજવાળામાં આવવું	:-	પ્રસિદ્ધિ મળવી
અમલ પાણી કરવાં	:-	કસુંબો કાઢીને પીવો
અરમેળે ચડવું	:-	અધ્ધર હોવું
અરધું અડધુ થઈ જવુ	:-	અતિ હરખમાં આવવું
અરબા ઊડવા	:-	ગુસ્સે થઈ સામે થવું
અર્ધ્ય આપવું	:-	પૂજવું, સન્માન કરવું
અદૂગડું રહેવું	:-	નિરાંત ન રહેવી
અર્ધચંદ્ર આપવો	:-	ગરદન પકડી કાઢી મૂકવું
અલ્લા એક બદામ થવું	:-	સાવ ગરીબ થઈ જવું
અવળા પાટા દેવા	:-	ભ્રમમાં નાખવું
અવળી પાઘડી કરવી	:-	વચનમાંથી ફરી જવું
અવસરે મોતી ભરડવાં	:-	પ્રસંગે બરોબર ખર્ચ કરવું
અવાળુ આવવું	:-	સોજો આવવો
અસર તળે આવવુ	:-	છાપ પડવી
અંગ આણવા	:-	કશી આઠ વગર ઋણ મેળવવું
અંગ કાઢી લેવુ	:-	જાત બચાવી લેવી
અંગારા ઊઠવા	:-	ખૂબ દાઝ ચડવી
અંગીઠીનો અંગારો	:-	દેખાવે બહારથી નરમ
અંગુર આવવો	:-	રુઝાવું
અંગૂઠે કમાડ ઠેલવું	:-	પોતાનું કામ બીજા પર સેરવવું
અંગૂઠે મારવું	:-	તિરસ્કારવું
અંગૂઠો આપવો	:-	સહી કરવી-મંજૂર રાખવું
અંગૂઠો ચૂમવો	:-	ખુશામત કરવી
અંજન પાડવું	:-	દીવો કરી તેની મેશ ભેગી કરવી
અંટેવાળે આવવું	:-	વચ્ચે અડફટમાં આવવું
અંતર ખોલવું	:-	મનની વાત સાફ કરી દેવી
અંતરાય આવવો	:-	વિઘ્ન થવું
અંતિયા કરવા	:-	મરણિયા થઈને વર્તવું
અંદેશ આણવો	:-	શંકા કરવી
અંધારપછેડો ઓઢવો	:-	ગુપ્ત કે અજ્ઞાત થઈ જવું
અદૂગડું રહેવું	:-	નિરાંત ન રહેવી
અત્તર ગુલાબ થવા	:-	અત્ત અને ફુલ આપીને સન્માન થવુ
અધ્ધર ઊડવું	:-	આધાર કે પાયા વિના ફાવે તેમ વર્તવું
અધ્ધરને અધ્ધર રાખવું	:-	જંપીને બેસવા ન દેવુ
અધ્યાહાર લેવું	:-	ખૂટતું ઉમેરવું
અધિયારી કરવી	:-	નકામી માથાઝીક કરવી
અધીરાઈ આવવી	:-	ધીરજ ન રહેવી
અધૂરા પૂરા કરવા	:-	આયુષના બાકી દહાડા જેમ તેમ જીવી કાઢવા
અઘોટિયું કાઢવું	:-	અર્ધી કોઠી રસ કાઢવો
અન્ન ભેગું થવું	:-	ખાવા પામવું
અન્નનુ પાણી થવું	:-	ખાધેલાનો ફાયદો ન થવો
અન્યારી ખડકવી	:-	હેલ બરોબર ગોઠવીને ગાડામાં ભરવી
અનૂતમાં આવવું	:-	હરામ મળવું, ખરી કમાણીનું ન હોવું
અપીલ થવું	:-	હૃદયમાં ઊતરવું
અપૂશણમાં જવું	:-	કશી ગણતરીમાં ન લેવાવું
અબખો કાઢવો	:-	અરુચિ દૂર કરવી
અબેતબે કરવું	:-	તુચ્છકારથી બોલવું
અબોખે થવું	:-	અભાવ થવો
અબોટ દેવો	:-	લીંપી કરીને સાફ કરવું
અભરાઈ ઉપર ચડાવવું	:-	મન ઉપર ન લેવું
અભરે ભરવું	:-	સમૃદ્ધ કરવું
અભોગ વાળવો	:-	પુરું કરવું
અમલ ઊતરવો	:-	સત્તા જતી રહેવી
અમરપટો લખાવીને આવવું	:-	અમર જન્મવું કે હોવું
છ કાને થવું	:-	વાત ત્રીજા માણસને કાને જવી